مشیر خزانہ ڈاکٹر عبد الحفیظ شیخ  نے وزیراعظم سے ملاقات میں بتایا کہ آئی ایم ایف پاکستان کےلیے 1.4 ارب ڈالر قرض منظور کردے گا۔

 وزیراعظم عمران خان سے مشیر خزانہ حفیظ شیخ نے ملاقات کی۔

حفیظ شیخ نے وزیراعظم کو کورونا وائرس کے معاشی اثرات سے نمٹنے کے لئے آئی ایم ایف سے 1.4 بلین ڈالر کی اضافی مراعاتی منظوری سے آگاہ کیا۔

انہوں نے وزیر اعظم کو حکومت کے اعلان کردہ اقتصادی پیکیج پر عمل درآمد سے متعلق بھی بریفنگ دی۔

وزیراعظم عمران خان نے پاکستان سمیت ترقی پذیر ممالک کے لئے جی 20 ممالک، آئی ایم ایف اور ورلڈ بینک کے اقدامات کا خیر مقدم کیا۔ وزیراعظم کا کہنا تھا کہ ترقی پزیر ملکوں کےلیے قرض میں ریلیف قابل ستائش ہے۔